Алматыдағы аудандардың бірінде суық су болмайды

Алматының Бостандық ауданында уақытша суық су болмайды. "Алматы су" кәсіпорны қай көшелердегі тұрғын үйлерде су болмайтынын нақтылады, деп хабарлайды KAZ.NUR.KZ.

"Алматы судың" Instagram парақшасындағы ақпаратқа сәйкес, 20 мамыр сағат 08:00-ден 20:00-ге дейін суық сумен жабдықтау желілеріндегі жоспарлы жұмыстарға байланысты суық су беру уақытша шектеледі", - делінген хабарламада.

Шектеу Бостандық ауданындағы мына тұрғын үйлер мен әкімшілік ғимараттарға әсер етеді: Әл-Фараби даңғылы – Жароков көшесі – Левитан көшесі – Үлкен Алматы өзені контурында орналасқан Қазақфильм, Нұр-Алатау, Бағанашыл-1,2 шағынаудандары.

"Жоспарға сай алдын алу жұмыстары ауданның тұрақты сумен жабдықталуын қамтамасыз етуге мүмкіндік береді. Тұрғындардан уақытша қолайсыздықтарға түсіністікпен қарауды сұраймыз. Қосымша ақпаратты мына телефон арқылы алуға болады: 274-66-66", - деп қосты "Алматы су" өкілдері.

Посмотреть эту публикацию в Instagram

Публикация от Алматы Су (@almatysu_)

Мәтіннен қате тапсаңыз, бізге жазыңыз