Wildberries зерттеуі: қазақстандықтардың 94%-ы Балаларды қорғау күнін маңызды отбасылық мереке деп санайды

1 маусым қарсаңында Қазақстанда мереке алдындағы қарбалас басталды. Балалар каникулды күтіп жүр, ал ата-аналары демалысты белсенді жоспарлауға кірісті. RWB зерттеу орталығының қызметкерлері Қазақстанда Балаларды қорғау күні қалай тойланатынын және қамқор ата-ананың мақсаты неден тұратынын анықтап білді. Қазақстан тұрғындары үшін 1 маусым – жай ғана атаулы күн емес. Сауалнамаға қатысқандардың 98%-ы бұл мереке туралы жақсы біледі, ал 94%-ы маңызды отбасылық мереке деп санайды. Толығырақ мәліметті Wildberries өкілдері бөлісті.

Респонденттердің көпшілігінің жаздың алғашқы күніне деген көзқарасы жақсы. Мәселен, 58%-ы үшін бұл күн балалардың күлкісін, ойындар және көңіл көтеруді білдіреді (айтпақшы, Қазақстан мен Қырғызстанда бұл Орталық Азияның басқа елдеріне қарағанда көбірек байқалады).

Сауалнамаға қатысқандардың 70%-ы мерекені атап өтуді жоспарлап отыр. Көпшілігі (56%) балаларын ойын-сауық шараларына апаруды көздесе, 31%-ы үйде жайлы мерекелік кеш ұйымдастырмақ.

Бюджет және сыйлық таңдау туралы

Ата-аналардың 70%-ы сыйлықты сатып алып қойған немесе таңдап жатыр. Қазіргі қазақстандық ата-аналар сыйлықты саналы әрі тиімділік тұрғысынан таңдайды. Олар үшін таңдаудағы басты критерийлер: баға мен сапа арақатынасы (56%), сыйлықтың баланың ой-қиялын дамытатындай болуы (51%) және қауіпсіз материалдардан жасалуы (48%).

Қаржы мәселесіне келсек, сыйлыққа бөлінген бюджет шамамен тең үш топқа бөлінді, ал орташа есеппен ата-аналар бір балаға 10 000 теңге жұмсайды:

● Ата-аналардың 33%-ы ойыншыққа 8 000 теңгеге дейін жұмсауға дайын;

● 34%-ы – 8 001 теңгеден 15 000 теңгеге дейін;

● 33%-ы – 15 000 теңгеден жоғары.

Зерттеу деректеріне сай, қазақстандықтар көбіне балаларға сыйлық ретінде ойын-сауық (64%) ұйымдастыруды таңдайды. Ал сыйлықтар арасында ойыншықтар, қуыршақтар мен конструкторлар (39%), шығармашылыққа арналған жинақтар (36%) және дамытатын үстел ойындары (36%) көш бастап тұр.

Отандық тауарлар мен балалар косметикасына сұраныс артқан

Қазақстандықтар жергілікті өндірушілерге көбірек сене бастады: мамыр айында отандық сатушылардың жылдам жеткізілетін тауарларының саудасы айтарлықтай өсті. Бұл ретте мамыр айында Wildberries-те жасалған сатылым жазғы киімдерге ғана емес, мереке қарсаңында балалар тауарларына деген қызығушылықтың да тұрақты өскенін көрсетіп отыр:

1. Тамақтану және бьюти-трендтер. Тамақ өнімдері санатында балалар пюресінің сатылымы – 343%-ға, сүт коктейльдері – 267%-ға, ал морс саудасы 240%-ға өсті. Сонымен қатар қамқор ата-аналар балаларға арналған күтім косметикасына жиі тапсырыс бере бастады – бүкіл ел бойынша сұраныс шамамен үш есе артты.

2. Жазға дайындық. Тек балалар ғана емес, ата-аналар да таза ауадағы белсенді жазғы демалысқа дайындалуда. Роликті конькиге сұраныс 70%-ға, ауладағы сырғанақтар мен балалар құмсалғыштарына – 193%-ға, спорттық кешендерге – 13%-ға, ал батуттарға 10%-ға өсті.

3. Кішкентай балаларға жайлылық. Мамыр айында нәрестелер үшін төсектер (өсім 76%) және олардың матрастары (өсім 18%), электронды әткеншектер (өсім 25%) және дайын күтім жинақтары (өсім 28%) көп сатылған. Ата-аналардың ұзақ жол жүру кезіндегі қауіпсіздік пен жайлылыққа ерекше мән беретіні байқалады: балаларға арналған автоорындықтар сатылымы 15%-ға, идентификациялық білезіктер – 33%-ға, ал серуендеуге арналған шуға қарсы құлаққаптар 27%-ға өсті.

Ал 1 маусымға арналған сыйлықтардың ішінде ең танымал тауарлар қатарында балалар энциклопедиялары, кішкентай оқырмандарға арналған тақпақтар мен жұбату өлеңдері, жабыстырылатын элементтері бар дамытатын ойындар, ауладағы құмсалғыштар, үйге орнатылатын сырғанақтар, сондай-ақ кішкентай үй ханымдарына арналған қуыршақ арбалары мен ағаштан жасалған ойын асханалары болды.

Неліктен таңдау маркетплейстерге түседі?

Қазақстандықтардың 60%-ы сыйлықтарды маркетплейстерден іздейді (салыстырар болсақ: кәдімгі сауда орталықтарына 36%-ы, ал жекелеген брендтердің интернет-дүкендеріне 31%-ы барады). Маркетплейстерді таңдау арқылы ата-аналар қосымшалардың ыңғайлылығын (53%), тиімді жеткізу шарттарын (50%) және баланың жасына әрі қызығушылығына сай тауарларды оңай табуға болатынын (50%) жоғары бағалайды.

Мерекелік серуенге арналған идея

Трендтерге қарап бағамдасақ, ел тұрғындарының көбі мерекені отбасымен бірге таза ауада өткізуді жоспарлап отыр. Оңтүстік астанада баратын жерлердің бірі — 1 маусымда Алматы хайуанаттар бағында өтетін Wildberries ұйымдастырған "Сафари" стиліндегі үлкен балалар мерекесі.

Ата-аналар мен бүлдіршіндерді интерактивті ойын аймақтары, "көңілді" пойыз, жүлделері бар отбасылық квест және балаларға құстардың ұясын өз қолымен жасауды үйрететін шеберлік сыныптары күтеді. Бұл – таза ауада уақыт өткізіп, жазды ерекше көңіл күймен қарсы алудың тамаша мүмкіндігі.

Мәтіннен қате тапсаңыз, бізге жазыңыз