Бүкіл елде біреу ғана: жыл басынан бері нәрестелерге ең сирек қойылған есімдер жария болды

2026 жылдың басынан бері қазақстандықтардың балаларына қандай есімдер қойғаны белгілі болды. KAZ.NUR.KZ Ұлттық статистика бюросына сілтеме жасап, ең танымал және ең бірегей есімдерді назарға ұсынады.

Бүгін, 1 маусым, Балаларды қорғау күнінде NUR.KZ тілшісі 2026 жылдың басынан бері қазақстандықтардың дені жаңа туған ұлдар мен қыздарға қандай есімдерді қойғанын, сондай-ақ қандай есімдер ең сирек кездесетінін анықтауды жөн көрді.

Ұлттық статистика бюросының мәліметінше, 1 қаңтар мен 1 маусым аралығында Қазақстанда ұлдарға ең көп қойылған есім — Алан, ал қыздар арасында ең көп қойылғаны — Айлин.

Жаңа туған нәрестелер арасындағы ең танымал 10 ұл бала есімі:

• Алан — 957;
• Әлихан — 792;
• Мұхаммед — 791;
• Айсұлтан — 778;
• Алдияр — 715;
• Хамза — 688;
• Омар — 688;
• Әлтайыр — 649;
• Мұхаммад — 644;
• Әмір — 625.

Жаңа туған нәрестелер арасындағы ең танымал 10 қыз бала есімі:

• Айлин — 1744;
• Асылым — 1449;
• Медина — 1234;
• Томирис — 1122;
• Айша — 913;
• Аяла — 867;
• Мариям — 795;
• Сафия — 773;
• Айым — 768;
• Әдия — 741.

Бірегей есімдер

Ұлдар арасындағы ең сирек есімдер: Әл-Әли, Абдуқодир, Яшар, Райымхан, Рузали, Шерәлі, Халилла, Бектілес, Камранбек, Ферид.

Ал қыздар арасындағы бірегей есімдер: Ирислиқой, Айбану, Селвин, Леонэль, Бегайым, Ақбата, Анара, Аша, Жаңылсын, Бақыт.

Жыл басынан бері мұндай есімдер қойылған нәрестелер ел бойынша тек бір реттен ғана кездескен.

Мәтіннен қате тапсаңыз,бізге жазыңыз