5000 теңгеге келіскен: маңғыстаулық жасөспірім желіде жұлдыз болды (видео)

Танымал "Let me be" әнімен тренд түсірген маңғыстаулық жасөспірім желі жұлдызына айналды. Видео кейіпкерінің кім екенін Lada.kz басылымы анықтап көрді, деп жазады KAZ.NUR.KZ.

Кейінгі кезде TikTok пен Instagram-да таралып жатқан "Let me be" би трендінің арқасында маңғыстаулық жеткіншек күтпеген жерден танымал болды.

Желіде тез тараған видео Мұнайлы ауданындағы Дәулет ауылында түсірілген. Басты кейіпкер – үй шаруасына көмектесіп жүрген 14 жастағы Бекарыс Төлебаев.

Идея авторы – Instagram-дағы аккаунтын белсенді түрде дамытып жатқан Бауыржан Төлебаев. Ол бұл видеоның мұншалықты танымал болатынын мүлдем күтпегенін айтады.

"Менің ұлым Исатай мобилограф болған, ал видеодағы басты кейіпкер – үлкен ағамның ұлы және көршіміз Бекарыс. Ол сол кезде қорада жұмыс істеп жүрген. Оны шақырып алып, видеоға түсуді ұсындым. Басында келіспеді. Содан кейін қалжыңдап: " 5000 теңге беремін" деп едім, бірден келісті, камераға бір рет қана қарады. Ешқандай дайындық болған жоқ, бәрін аяқ астынан түсіріп, бірден әлеуметтік желіде жарияладық", - деді Бауыржан Төлебаев.

Бауыржанның айтуынша, олар бұған дейін бұл трендті екі рет түсірген, бірақ қаралым саны 40 000-нан аспаған.

"Маған бірдеңе жетіспейтіндей тұрғандай көрінді. Сол кезде кадрға жүк тиегішті қосу туралы идея келді. Фазендада жұмыс істеп, шаруашылықпен айналысып, контент жасайтын адам үшін миллион қаралым – үлкен жетістік", - дейді ол.

Қазіргі таңда видеоның танымалдылығы күн санап артып келеді. Әлеуметтік желі қолданушылары видеоның шынайы шыққанын, сондай-ақ ауылдағы колоритті және жасөспірімнің харизмасын байқап, түрлі жағымды пікір қалдырып жатыр.

Ролик қазірдің өзінде 920 мыңнан астам қаралым, 90 мыңнан астам лайк және 5 мыңнан астам пікір жинаған.

Посмотреть эту публикацию в Instagram

Публикация от НОВОСТИ АКТАУ И МАНГИСТАУ (@ladakz)

Мәтіннен қате тапсаңыз, бізге жазыңыз