"Сабыр сақтауларыңызды сұраймыз": ТЖД алматылықтарға ескерту жасады
Жарияланған күні:
Алматы қаласының ТЖД тұрғындарға үндеу жасады. Ведомство бүгін, 24 маусымда "Мұзтау" шағын ауданында құлақтандыру жүйесі іске қосылатынын ескертті, деп хабарлайды KAZ.NUR.KZ.
Төтенше жағдайлар департаментінің мәліметінше, 24 маусым сағат 11:00-де Медеу ауданының "Мұзтау" шағын ауданында Masalert халықты құлақтандыру жүйесі сынақтан өткізу мақсатында іске қосу жұмысы жүргізіледі.
"Іс-шара жоспарлы түрде өткізіліп, төтенше жағдайлар туындаған кезде халықты хабардар ету тәртібін пысықтау және құлақтандыру жүйесінің техникалық дайындығын тексеру мақсатында ұйымдастырылады. Назар аударыңыздар, тексеру жұмыстары жоспарлы түрде өтеді. Сабыр сақтауларыңызды сұраймыз", - деп хабарлады департаменттен.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2392276-sabyr-saqtaularyngyzdy-suraimyz-tzhd-almatylyqtarga-eskertu-zhasady/
