Қазақстан нарығына тағы бір әуе компаниясы кірмек

2026 жылғы 31 шілдеден бастап Қазақстанның әуе тасымалы нарығына Түркияның SunExpress әуе компаниясы кіреді. Түркиялық әуе компания елімізге тікелей рейстер ашады, деп хабарлайды KAZ.NUR.KZ.

Көлік министрлігінің мәліметінше, әуе компаниясы Алматы-Измир бағыты бойынша тікелей тұрақты жолаушылар рейстерін орындай бастайды.

Ұшақтар аптасына екі рет - сейсенбі және жұма күндері Boeing 737 әуе кемелерімен қатынайды.

Ведомство хабарлауынша, жаңа бағыт Қазақстан мен Түркия арасындағы әуе қатынасын кеңейтіп, екі елдің сауда-экономикалық, инвестициялық, туристік, іскерлік және мәдени байланыстарын одан әрі нығайтуға мүмкіндік береді.

Мәтіннен қате тапсаңыз,бізге жазыңыз