Энергетика министрлігінің өкілдері кей өңірлердегі электр қуатының өшірілу себебін айтты

Қазақстанның Энергетика министрлігі кей өңірлердегі электр қуатының өшірілуіне қатысты пікір білдірді, деп хабарлайды KAZ.NUR.KZ.

Ведомство мәліметінше, 2026 жылғы 14 тамызда энергетикалық жүйеде қуаттың күрт артуы байқалып, оған Орталық Азияның энергетикалық жүйесі тарабынан электр энергиясы ауысымының күрт өзгеруі себеп болды. Нәтижесінде апатқа қарсы автоматика іске қосылып, кейбір өңірлеріндегі тұтынушылар ажыратылды.

"Қазіргі уақытта жүйелік оператор "KEGOC" АҚ қажетті қалпына келтіру жұмыстарын жүргізуде. Кей өңірлерде электр энергиясымен қамту қалпына келді", - делінген хабарламада.

Жағдай Энергетика министрлігінің бақылауында. Электрмен жабдықтауды қалпына келтіру барысы туралы толық ақпарат қосымша хабарланады.

Мәтіннен қате тапсаңыз,бізге жазыңыз