Астана тұрғындары автобус пен LRT-да тегін жүре алады: нақты күні айтылды

Құрылтай депутаттарын сайлау күні Астанада қоғамдық көлікпен жүру тегін болады. Бұған барлық автобус бағыты мен Tarlan Astana (LRT) кіреді, деп хабарлайды CTS-ке сілтеме жасаған KAZ.NUR.KZ.

"City Transportation Systems" ЖШС мәліметінше, 23 тамызда яғни ҚР Құрылтайы депутаттарын сайлау күні Астана қаласындағы қоғамдық көліктер тегін қызмет көрсетеді.

Тегін жол жүру келесі бағыттарда қолжетімді:

• Tarlan Astana жеңіл рельсті көлік жүйесінде;
• қалалық бағдарларда;
• экспресс-бағдарларда;
• қала маңы бағдарларында.

"Бұл шара азаматтардың қала ішінде еркін қатынауын қамтамасыз ету және сайлау учаскелеріне қолжетімділікті арттыру мақсатында ұйымдастырылады. Жолаушылардан сапарларын жоспарлау кезінде осы ақпаратты ескеруді сұраймыз", - делінген хабарламада.

Мәтіннен қате тапсаңыз,бізге жазыңыз