Алматыда тағы екі көше бір аптаға ішінара жабылады

Алматыда екі көшеде 26 тамызға дейін көлік қозғалысына шектеу қойылады. Мұратбаев пен Құрмет көшелері ішінара жабылады, деп хабарлайды KAZ.NUR.KZ AlmatyJoly-на сілтеме жасап.

Алматы әкімдігінің мәліметінше, Мұратбаев пен Құрмет көшелерінің учаскелерінде жолдарға орташа жөндеу жүргізу жоспарланған.

Мұратбаев көшесі

Мұратбаев көшесінің бір бөлігінде орташа жөндеу жұмыстарының жүргізілуіне байланысты көлік қозғалысына уақытша шектеу енгізіледі.

20 тамыз сағат 08:00-ден 26 тамыз сағат 08:00-ге дейін Райымбек батыр даңғылынан Мақатаев көшесіне дейінгі учаскеде көлік қозғалысы жабылады.

Құрмет көшесі

Құрмет көшесінің бір бөлігінде орташа жөндеу жұмыстарының жүргізілуіне байланысты көлік қозғалысына уақытша шектеу енгізіледі.

20 тамыз сағат 08:00-ден 26 тамыз сағат 08:00-ге дейін Достық даңғылынан тұйық көшеге дейінгі учаскеде көлік қозғалысы жабылады.

"Жөндеу жұмыстары жүргізілетін учаскелерде ескерту белгілері және мердігер ұйым басшысының байланыс дерегі көрсетілген ақпараттық тақта орнатылады. Бағытыңызды алдын ала жоспарлауды сұраймыз", - делінген хабарламада.

Мәтіннен қате тапсаңыз,бізге жазыңыз