Алматы облысында бір жасар баланың аяғы дәретхана құбырының конструкциясына қысылып қалды (видео)

Алматы облысында құтқарушылар аяғы дәретхананың металл конструкциясына қысылып қалған сәбиге көмекке келді, деп хабарлайды Төтенше жағдайлар министрлігіне сілтеме жасаған KAZ.NUR.KZ.

ТЖМ баспасөз қызметі Telegram-дағы арнасында хабарлағандай, Жамбыл ауданы Қарғалы ауылында "112" пультіне бір жастағы баланың аяғы дәретхана конструкциясының құбырына қысылып қалғаны туралы шақырту түскен.

Оқиға орнына ТЖМ қызметкерлері жедел жетті. Баланың аяғы өздігінен босатып алуға мүмкіндік бермейтіндей жағдайда қысылып қалған.

"Құтқарушылар аса сақтықпен әрекет етті. Арнайы металл кесетін қайшылардың көмегімен құбырды біртіндеп кесіп, баланың аяғының айналасындағы кеңістікті ұлғайтты", - дейді ТЖМ өкілдері.

Құтқару жұмыстары бір сағаттан асқан. Бала көзге көрінетін жарақатсыз босатылып, жедел жәрдем бригадасына тапсырылды.

Мәтіннен қате тапсаңыз,бізге жазыңыз