Алматыда көшелердің бірі бірнеше күнге жабылады

Алматыда Майлин көшесіндегі қозғалыс сызбасы өзгереді. Шектеулер 21 мен 24 тамыз аралығында енгізіледі, деп хабарлайды Telegram-дағы Almaty Joly арнасына сілтеме жасаған KAZ.NUR.KZ

Әкімдік жүргізушілерге Майлин көшесінің бір бөлігінде жөндеу жұмыстарына байланысты көлік қозғалысы уақытша шектелетінін ескертті.

"21 тамыз сағат 20:00-ден 24 тамыз сағат 08:00-ге дейін №9 үйден Тбилиси көшесіне дейінгі аралықта қозғалыс шектеледі.

Жөндеу жұмыстары көшенің батыс бөлігінде жүргізіледі, ал ал қарама-қарсы жағында реверсивті қозғалыс ұйымдастырылады", - делінген хабарламада.

Әкімдік жол қозғалысына қатысушыларды уақытша қойылған жол белгілерінің талаптарын қатаң сақтауға және өз бағыттарын алдын ала жоспарлауға шақырады.

Мәтіннен қате тапсаңыз,бізге жазыңыз