Экс-депутат Бақытжан Базарбек жол апатына ұшырады: зардап шеккен адамның жағдайы қалай

Мәжілістің экс-депутаты Бақытжан Базарбек Жамбыл облысында болған жол-көлік оқиғасынан зардап шеккен адамның жағдайы туралы айтып берді, деп хабарлайды KAZ.NUR.KZ.

Бұрынғы мәжілісмен Instagram парақшасында апаттан зардап шеккен адамның Құлан ауылындағы ауруханадан Тараз қалалық ауруханасына ауыстырылғанын хабарлады.

Бақытжан Базарбек тасымалдау процесінен кадрлар бөлісіп, 36 жастағы ер адамның денсаулығында оң өзгерістер бар екенін мәлімдеді.

Экс-депутаттың айтуынша, 28 тамызда Нұржігіттің комада жатқанына 13 күн болған.

"Бірқатар клиникалық оң өзгеріс бар. Олар туралы кейінірек айтамын", - деп атап өтті ол.

Кадрлардан оның жанында зардап шеккен жігіттің анасы жүргенін көруге болады. Олар реаниматолог дәрігердің сүйемелдеуімен науқасты Құланнан Таразға жеткізетін реанимобильді күтіп тұрған.

Бақытжан Базарбектің сөзінше, тасымалдау сәтті өтті. Зардап шеккен адамның жағдайына әсер етпеген.

"Бұдан әрі Нұржігітпен жағдайын қаланың ең мықты реаниматологтары мен травматологтары бақылайды", - деді бұрынғы мәжілісмен.

Құрылтай сайлауы күні Бақытжан Базарбек Құлан ауылындағы Орталық мәдениет үйінде орналасқан сайлау учаскесінде дауыс берген.

"Нұржігіттің жанында болуым керек болғандықтан, Құлан ауылына көшіп келдім. Ол есін жиғанша осында боламын.

Алматының Бостандық ауданында тіркелгендіктен, дауыс беру үшін уақытша тіркеуге тұрып, тиісті есептен шығару талонын алдым", - деп хабарлады бұрынғы Базарбек.

Посмотреть эту публикацию в Instagram

Публикация от Бакытжан Базарбек (@bakytzhan.bazarbek)

Мәтіннен қате тапсаңыз,бізге жазыңыз