Алматыдағы даңғылдардың бірі бірнеше түн қатарынан жабылады

Алматыдағы Алтынсарин даңғылының бір бөлігінде жөндеу жұмыстарының жүргізілуіне байланысты бірнеше түн көлік қозғалысы шектеледі, деп хабарлайды KAZ.NUR.KZ қала әкімдігіне сілтеме жасап.

Қала әкімдігінің мәліметінше, 5-9 қыркүйек күндері сағат 23:00-ден таңғы 06:00-ге дейін Жандосов көшесінен Қабдолов көшесіне дейінгі учаскеде көлік қозғалысы толық тоқтатылады. Бұл аралықта жолға жаңа асфальтбетон жабыны төселеді.

Жөндеу жүргізіліп жатқан аумақта жүргізушілерге арналған ескерту белгілері орнатылады. Жұмыс кестесі ауа райына немесе өндірістік қажеттілікке қарай өзгеруі мүмкін.

Қала әкімдігі өкілдерінің айтуынша, көлік қозғалысын шектеу туралы барлық ақпарат Telegram-дағы @AlmatyJoly арнасында, әкімдіктің әлеуметтік желідегі парақшаларында, сондай-ақ 2GIS және "Яндекс Карталар" сервистерінде жарияланады.

Мәтіннен қате тапсаңыз,бізге жазыңыз