Қазақстанда жаңбыр жауып, ауа температурасы төмендейді

Қазақстанның батысында циклон әсерінен жаңбыр жауып, ауа температурасы төмендейді. Еліміздің басқа өңірлерінде жаздағыдай жылы ауа райы сақталады, деп хабарлайды KAZ.NUR.KZ "Қазгидромет" РМК-ға сілтеме жасап.

Алдағы күндері еліміздің батыс өңірлерінде жаңбыр жауады. Кей жерлерде жауын-шашын қатты болады деп күтілуде. Бұған Самара жақтан келетін циклон себеп болады.

Батыста ауа температурасы төмендей бастайды. Түнде көрсеткіштер +12...+21 градустан +7...+16 градусқа дейін төмендейді. Күндіз ауа температурасы +15...+25 градустан +13...+23 градусқа дейін түседі.

Солтүстік-батыста да күн салқындайды. Түнгі температура +13...+20 градустан +5...+15 градусқа дейін төмендейді. Күндізгі температура +20...+30 градустан +15...+25 градусқа дейін төмендейді.

Айта кетейік, Қазақстан аумағының басым бөлігінде жылы ауа райы сақталады.

"Атмосфералық фронтальды бөліктердің өтуіне байланысты елдің солтүстігінде, орталығында, оңтүстігінде және оңтүстік-шығыстың таулы аудандарында өткінші жаңбыр жауады. Тек елдің шығысында антициклон жотасының әсерінен жауын-шашынсыз ашық ауа райы сақталады", - деді синоптиктер.

Мәтіннен қате тапсаңыз,бізге жазыңыз