Алматы қаласының бала құқықтары жөніндегі уәкілі Диана Ерлан қызметінен кеткенін мәлімдеді

Диана Ерлан Алматы қаласының бала құқықтары жөніндегі уәкілі қызметін аяқтау туралы шешім қабылдады. Бұл туралы ол Instagram-дағы парақшасында жазды, деп хабарлайды KAZ.NUR.KZ.

"Мен Алматы қаласы бойынша бала құқықтары жөніндегі өңірлік уәкіл ретіндегі жұмысымды аяқтау туралы шешім қабылдадым", - деп жазды Диана Ерлан.

Ол әріптестеріне бірлескен жұмыс үшін алғыс айтып, бала құқықтары жөніндегі уәкіл болудың мәні туралы ойымен бөлісті.

"Уәкілдің жұмысы – бұл қоғамдық қызмет, ол қаржыландырылмайды, жалақы немесе іссапар шығындары қарастырылмаған. Мен үшін де, әріптестерім үшін де бұл қызмет – бар уақытымызды, күш-жігеріміз бен жанымызды арнайтын миссия, әр баланың әлемін жақсартуға бағытталған іс", - деп жазды Диана Ерлан.

Сондай-ақ ол жазбасында осы қызметте жүріп қол жеткізген жетістіктері туралы айтып өтті.

Мәтіннен қате тапсаңыз, бізге жазыңыз