Алдағы күндері Қазақстанда -6 градусқа дейін суытып, жаңбыр жауады

Синоптиктер 8-10 қазан аралығында Қазақстанда күн райы құбылмалы болатынын ескертті, деп хабарлайды "Қазгидромет" РМК-ның баспасөз қызметіне сілтеме жасаған KAZ.NUR.KZ.

Синоптиктердің мәліметінше, алдағы күндері Қазақстанның басым бөлігінде жаңбыр жауады. Елдің солтүстік-батысында, солтүстігінде және шығысында жаңбыр және сулы қар түрінде жауын-шашын күтіледі, шығысында көктайғақ болады.

Тек республиканың батысы мен оңтүстігінде антициклонның әсерінен жауын-шашынсыз күн райы сақталады.

Сондай-ақ республика бойынша жел күшейіп, түнгі және таңертеңгі сағаттарда тұман түсуі ықтимал.

Синоптиктер ел өңірлерінде ауа температурасы қандай болатынын айтты:

• Қазақстанның батысында түнде ауа температурасының негізгі фоны +5+16°С шамасында болады, күндіз +17+22°С-тан +22+27°С-қа дейін жоғарылайды.
• Солтүстік-батыста, солтүстікте және орталықта түнде ауа температурасы +3+13°С-тан -1-6°С-қа дейін төмендейді, күндіз ауа температурасының негізгі фоны +10+17°С болады.
• Шығыста түнде ауа температурасының негізгі фоны 0,+8°С болады, күндіз +10+15°С-тан +2+7°С-қа дейін төмендейді.
• Оңтүстікте және оңтүстік-шығыста түнде ауа температурасының негізгі фоны +3+10°С шамасында болады, ал таулы аудандарда 2°С-қа дейін үсік жүруі мүмкін. Күндіз ауа температурасы +17+25°С-қа, таулы аудандарда +12+17°С-қа дейін көтеріледі.

Мәтіннен қате тапсаңыз, бізге жазыңыз