Жаңбыр, күннің жылынуы: Қазақстанда демалыс күндері ауа райы қандай болады

Синоптиктер 10-12 қазанға арналған ауа райы болжамын ұсынды. Алдағы күндері Қазақстанның басым бөлігінде ауа температурасы көтеріледі, ал кей өңірлерде жауын-шашын түседі, деп хабарлайды "Қазгидромет" РМК-ға сілтеме жасаған KAZ.NUR.KZ.

Метеорологиялық қызметтің мәліметінше, 10-12 қазанда Қазақстанның орталығында, 10-11 қазанда оңтүстігі мен оңтүстік-шығысында жауын-шашынсыз ауа райы күтіледі.

10-11 қазанда оңтүстік-батыста, 11-12 қазанда солтүстік-батыста және солтүстікте, 10 және 12 қазанда шығыста, 12 қазанда оңтүстік пен оңтүстік-шығыста жаңбыр жауады деп болжанады. 10 қазанда елдің шығысында жауын-шашын (жаңбыр, қар) түсуі мүмкін.

Сондай-ақ 10 қазанға қараған түні Шығыс Қазақстан облысында қатты жауын-шашын (жаңбыр, қар) күтіледі. 12 қазанда Түркістан облысында қатты жаңбыр жаууы ықтимал.

Бұдан бөлек, республика бойынша түнде және таңертең тұман күтіледі.

Күндіз өңірлерде ауа температурасының жоғарылауы болжанады:

• Қазақстанның батысында +22...+27°С-қа дейін;
• солтүстік-батысында +17...+25°С-қа дейін;
• солтүстігінде +13...+20°С-қа дейін;
• орталығында +13...+22°С-қа дейін;
• шығысында +10...+22°С-қа дейін;
• оңтүстігінде, Қызылорда облысында +23...+28°С-қа дейін.

Ал Түркістан облысында ауа температурасы +18...+23°С-қа дейін төмендейді.

Елдің оңтүстік-шығысында ауа температурасының негізгі фоны +17+25°С болады.

Мәтіннен қате тапсаңыз, бізге жазыңыз