Қазақстандықтар Оманның тағы бір қаласына тікелей рейспен ұша алады

Air Astana қазан айының соңынан бастап Алматы мен Астанадан Оманның Салала қаласына ұша бастайды, деп хабарлайды Азаматтық авиация комитетіне сілтеме жасаған KAZ.NUR.KZ.

Комитеттің мәліметінше, Air Astana Оманға екі жаңа бағыт ашады.

Әуекомпаниясы 23 қазаннан бастап Алматы – Салала бағыты бойынша аптасына бір рет (жұма күндері), ал 24 қазаннан бастап Астана – Салала бағыты бойынша аптасына бір рет (сенбі күндері) тұрақты рейстерді орындайды.

Екі бағыт бойынша да жолаушылар Airbus A320 ұшақтарымен тасымалданады.

"Қазіргі уақытта Оманға Алматы – Маскат бағыты бойынша Salam Air әуе компаниясы рейстер орындайды.

Жаңа бағыттардың ашылуы Қазақстан Республикасы мен Оман Сұлтандығы арасындағы сауда-экономикалық, іскерлік және туристік ынтымақтастықты одан әрі дамытуға ықпал етеді деп күтілуде", - делінген хабарламада.

Мәтіннен қате тапсаңыз, бізге жазыңыз