Қазақстанда А және В санатындағы отбасылар асыраушысынан айырылса жәрдемақы төлене ме

Мемлекеттік әлеуметтік сақтандыру қорының (МӘСҚ) басқарма төрағасы Алмас Құрманов Орталық коммуникациялар қызметінде өткен брифингте алдағы уақытта Қазақстанда асыраушысынан айырылғандарға төленетін жәрдемақы қалай тағайындалатынын түсіндірді, деп хабарлайды KAZ.NUR.KZ.

Брифинг барысында журналистер бұған дейін ауқатты саналған отбасы асыраушысынан айырылған жағдайда не болатынын сұрады.

"Егер жұбайы асыраушы болса, ал әйелі оның асырауында болса және кенеттен жұбайы қайтыс болса, онда ол асыраушысынан айырылғанына байланысты жәрдемақы алады. Өйткені оның балалары бар, олар да күтімді қажет етеді, олар балабақшаға немесе мектепке баратын болуы мүмкін", - деді Алмас Құрманов.

Бұл жағдайда жесір қалған әйел бюджеттен жәрдемақы алады. Егер күйеуі әлеуметтік сақтандыру жүйесінің қатысушысы болса, онда ол әлеуметтік сақтандыру жүйесінен асыраушысынан айырылғанына байланысты төлемдер алады.

"Егер күйеуі А немесе В санатына жатса, яғни бұл ауқатты отбасы болса, ол қайтыс болған жағдайда, санатына қарамастан, оған асыраушысынан айырылу бойынша жәрдемақы төленеді. Мен дәл асыраушысынан айырылған жағдай туралы айтқым келді, мұнда А немесе В санатына қарамастан, бұл отбасы төлем алады", - деп сендірді МӘСҚ басшысы.

Мәтіннен қате тапсаңыз, бізге жазыңыз