LRT құрылысы: Алматы әкімдігі тұрғындарды екі көшеде қозғалыс уақытша шектелетінін ескертті

Алматы әкімдігі қала тұрғындарын Абылай хан даңғылы мен Момышұлы көшесінің жекелеген бөліктерінде көлік қозғалысы уақытша шектелетінін ескертті, деп хабарлайды KAZ.NUR.KZ.

Мегаполис әкімдігінің мәліметінше, Алматыда LRT жобасын іске асыру аясында Абылай хан даңғылы мен Момышұлы көшесінің жекелеген бөліктерінде көлік қозғалысына уақытша шектеу енгізіледі.

Атап айтқанда, 24 қазан сағат 08:00-ден 26 қазан сағат 20:00-ге дейін Абылай хан даңғылының Райымбек даңғылынан Тузов көшесіне дейінгі бөлігінде көлік қозғалысы шектеледі.

Сонымен қатар 24-29 қазан аралығында сағат 22:00-ден 10:00-ге дейін Момышұлы көшесінің Мөңке би көшесінен оңтүстікке қарай орналасқан бөліктерінде және Рысқұлов даңғылымен қиылысында көлік қозғалысы шектеледі.

Жөндеу жұмыстары жүргізілетін аумақта ескерту белгілері орнатылады.

"Жол жүру бағытын алдын ала жоспарлауды сұраймыз", - деді әкімдік өкілдері.

Мәтіннен қате тапсаңыз, бізге жазыңыз