Алматыда ұландықтар есінен танып қалған адамға көмек көрсетті

Алматыда Ұлттық ұлан сарбаздары есінен танып қалған ер адамға көмек көрсетті. Олар оның мұрнынан аққан қанды тоқтатып, медицина қызметкерлеріне тапсырды, деп хабарлайды ведомствоға сілтеме жасаған KAZ.NUR.KZ.

Баспасөз қызметінің мәліметінше, жерде жатқан адамды байқаған әскери жасақ бастығы қатардағы Азамат Бөкенов және патрульші жауынгерлер Нұрасыл Нұрлан мен Ахмет Тынышық оған бірден жақындап, жедел жәрдем шақырған.

Олар уақыт жоғалтпай, ер адамды ақырын орындыққа отырғызып, алғашқы көмек жинағында бар құралдардың көмегімен мұрын қанауын тоқтатқан.

Кейін олар ер адамды толық тексеру және кәсіби медициналық көмек көрсету үшін оқиға орнына келген жедел жәрдем қызметкерлеріне тапсырған.

Мәтіннен қате тапсаңыз, бізге жазыңыз