Астанада келесі жылы жаңа әуежайдың құрылысы басталады

Астанада жаңа әуежай салынады. Бұл туралы президент Қасым-Жомарт Тоқаев Қазақстан халқына дәстүрлі жолдауында айтты, деп хабарлайды KAZ.NUR.KZ Ақордаға сілтеме жасап.

Қасым-Жомарт Тоқаев қазір Қазақстанда бірнеше әуежайдың құрылысы қатар жүргізіліп жатқанын еске салып өтті.

"Мұндай нысандарды бір мезетте салу тәжірибесі ел тарихында бұрын-соңды болмаған.

Арқалықтағы әуежайды қалпына келтіру жұмысы аяқталды, таяуда Зайсан, Катонқарағай, Кендірлі әуежайлары іске қосылады.

Келесі жылы осы саладағы әлемдік ірі компаниялардың бірін тарта отырып, Астанада жаңа әуежайдың құрылысын бастаймыз", - деді президент.

Мәтіннен қате тапсаңыз, бізге жазыңыз