Атырауда жастар, ҮЕҰ және этномәдени бірлестік өкілдері президент жолдауын талқылады

"Атырау-Ақпарат" ЖШС медиахолдингінде Қазақстан Республикасы президентінің Қазақстан халқына жолдауында белгіленген негізгі міндеттерді түсіндіруге арналған кездесу өтті.

Жиынға жастар, үкіметтік емес ұйымдар мен этномәдени бірлестіктердің өкілдері, сондай-ақ ақпараттық-талдау тобының мүшелері қатысты.

Кездесу барысында мемлекет басшысының жолдауында айқындалған елдің әлеуметтік-экономикалық дамуы, халықты әлеуметтік қорғау, ұлттық экономика, энергетика және экология салаларындағы басым бағыттар талқыланды.

Ақпараттық-талдау тобының мүшелері жолдауда белгіленген міндеттер мен алдағы жоспарларға қатысты түсіндірме беріп, қатысушылардың сауалдарына жауап берді. Сонымен қатар жиын барысында өзекті мәселелер көтеріліп, ұсыныстар айтылды.

Кездесуге Құрылтай депутаттары Арман Хайруллин мен Мұса Хайруллиев, Қазақстан Халық Кеңесінің мүшесі Назарбек Қосшиев, Халықты әлеуметтік қорғау саласындағы реттеу және бақылау комитетінің Атырау облысы бойынша департаменті басшысының орынбасары Айгерим Бекқалиева, Ұлттық экономика вице-министрі Ерлан Сағынаев, Энергетика вице-министрі Ерлан Ақбаров, сондай-ақ Экология және табиғи ресурстар министрлігі Экологиялық реттеу және бақылау комитеті төрағасының орынбасары Әлібек Бекмұхамбетов қатысты.

Мәтіннен қате тапсаңыз, бізге жазыңыз