Алматы метросында таңертең болған кептелістің видеосы тарады

Алматы метрополитенінің баспасөз қызметі метроға кіреберістегі кептелістің себебін түсіндірді. Белгілі болғандай, метрода Onay жүйесінің QR-коды арқылы төлем қабылданбаған, деп хабарлайды KAZ.NUR.KZ.

Метродағы қарбаластың видеосы Threads әлеуметтік желісінде жарияланды, сондай-ақ алматылықтар NUR.KZ редакциясына да фотосуреттер жіберіп жатыр.

Метрополитен төлем жүйесіндегі ақау толық жойылғанын мәлімдеді.

"Бүгін сағат 06:30-дан бастап техникалық себептерге байланысты Алматы метрополитенінің барлық станциясында Onay жүйесінің QR-коды арқылы жолақы төлеу уақытша мүмкін болмады.

Бұл ретте Onay көлік карталары, банк карталары, Apple Pay мен Samsung Pay қосымшалары, сондай-ақ қағаз QR-билеттер арқылы төлем әдеттегідей қабылдана берді.

Сағат 09:30-да техникалық ақау толық жойылды. QR-код арқылы жолақы төлеу қалпына келтірілді", - деп түсіндірді баспасөз қызметінің өкілдері.

Мәтіннен қате тапсаңыз, бізге жазыңыз