Семей тұрғыны жоғалып кетті: оның Lexus LX 570 маркалы көлігі жырадан табылды

Абай облысында 2026 жылдың 4 қарашасында жоғалған Семейдің 44 жастағы тұрғыны Ринат Ахметов іздестіріліп жатыр, деп хабарлайды KAZ.NUR.KZ облыстық ПД баспасөз қызметіне сілтеме жасап.

Ведомство мәліметінше, 1982 жылы 1 шілдеде туған Ринат Ахметов 2026 жылдың 4 қарашасында үйден шығып кеткен. Қазіргі уақытта оның қайда екені белгісіз.

7 қарашада "102" арнасына оның 69 жастағы әкесі іздестіру жұмыстарына көмек сұрап жүгінді.

9 қарашада іздестіру шаралары барысында Бородулиха ауданы Алексеевка ауылынан шамамен 15 километр қашықтықтағы жырадан жоғалған азамат мініп жүрген Lexus LX 570 автокөлігі табылды.

Полиция қызметкерлері іздеу және жедел-іздестіру шараларын белсенді жүргізіп жатыр. Іздеу жұмыстары көлік табылған жерге іргелес аумақта да жүргізіліп жатыр.

"Ринат Ахметовтің қайда екені туралы қандай да бір ақпарат білетін немесе 4 қарашадан бастап оны немесе көрсетілген көлікті көрген азаматтар болса, "102" телефонына дереу хабарласуды немесе ең жақын полиция бөліміне жүгінуді сұраймыз", - деп үндеу жасады Абай облысының ПД баспасөз қызметі өкілдері.

Мәтіннен қате тапсаңыз, бізге жазыңыз