RU

Танымал ММА спортшысы кезекті жекпе-жегіне дайындық кезінде көз жұмды

ММА
Матеуш Лазовски. Фото: instagram/matt_life_path

ММА файтері польшалық спортшы Матеуш Лазовски тауда көз жұмды, деп хабарлайды Zakon.kz.

Бұл ақпаратты Лазовски өнер көрсеткен ACA промоушен агенттігінің баспасөз қызметі растап отыр.

Хабарламада 35 жастағы спортшының кезекті жекпе-жегіне дайындалып жатқан уақытта биіктен құлағаны айтылған.

"Кешегі оқиғаға байланысты қайғылы хабар алдық. ACA-ның барлық командасы Матеуш Лазовскидің отбасы мен туыстарына көңіл айтады. Жатқан жерің жайлы болсын", - делінген хабарламада.

Айта кетейік, Матеуш Лазовски аралас жекпе-жектен алты кездесу өткізіп, үшеуінде жеңіске жеткен.

2021 жылдың 11 қыркүйегінде өткен соңғы кездесуінде Матеуш отандасы Патрик Дубилден жеңілген.

Мақаланың түпнұсқасы: https://kaz.nur.kz/sport/1942163-tanymal-mma-sportsysy-kezekti-zekpe-zegine-daiyndyq-kezinde-koz-zumdy/