Өзбекстандық спорт жанкүйері Антарктидаға Қазақстан туын тікті (видео)

Өзбекстандық блогер әрі спорт жанкүйері Абдурахмон Фазилов Антарктидаға барып, түркі мемлекеттерінің туын орнатты. Бұл туралы KAZ.NUR.KZ тілшісі хабарлайды.

Абдурахмон Фазилов Instagram желісіндегі ресми парақшасында жариялаған видеодан Өзбекстан, Қазақстан, Қырғызстан, Түрікменстан және Тәжікстан мемлекеттерінің байрақтарын шыңға қадағанын көруге болады.

"Достығымыз бен тыныштығымыз мәңгілік болсын. Бұл видеоны мүмкіндігінше әлемге таратайық", - деп жазды Фазилов.

Видеоға қазақстандықтар да пікір қалдырып, Абдурахмон Фазиловқа алғыс айтты.

"Жарайсыз, алға Қазақстан", "Қазақ елі атынан мың алғыс, достығымыз мәңгі болсын", "Күшті, көп рахмет", - деп жазды қазақстандықтар.

Фазилов желідегі парақшасында Антарктидаға сапарының қызығы мен қиындығы туралы бірнеше контент жариялаған. Қазір Абдурахмонның 1,4 млн оқырманы бар. Еске салайық, қазақ ақынының арнауы Өзбекстанның тәуелсіздік күніне арналған мерекелік шарада шырқалған еді.

Мәтіннен қате тапсаңыз, бізге жазыңыз