Илья Ильинге зейнетақы тағайындалды

Белгілі қазақстандық ауыр атлет Илья Ильиннің жұбайы күйеуіне спорт зейнетақысы тағайындалғанын айтты, деп хабарлайды KAZ.NUR.KZ.

Илья Ильин мен оның жұбайы Instagram-да бірлескен жазба жариялады, онда Татьяна Ильина күйеуінің мансабындағы жаңа кезең туралы айтқан.

"Өткен аптада күйеуіме қызмет өткерген жылдар үшін спорттық зейнетақы беру туралы бұйрық шықты. Қазақстанда бұл құқық 20 жылдан астам өмірін спортқа арнаған Олимпиада және әлем чемпиондарына беріледі.

Оның жолына қарасам, бір нәрсе ғана ойыма келеді: Илья небәрі 37 жаста, бірақ осы уақыт ішінде ол спортта бірнеше өмірге жететін мансабын құрды", - делінген жазбада.

Илья Ильин – ауыр атлетикадан Қазақстан Республикасының еңбек сіңірген спорт шебері. Мансабында ол ауыр атлетикадан төрт рет әлем чемпионатында және екі рет Азия чемпионатында жеңіске жетті. Ол 2008 және 2012 жылдары Олимпиада алтынын жеңіп алды, бірақ кейінірек допинг дауына ілігіп, медалінен айырылды.

Посмотреть эту публикацию в Instagram

Публикация от Татьяна Ильина (@ilyina_tatyana_)

Мәтіннен қате тапсаңыз, бізге жазыңыз