Шіркеу мен зәулім қонақүй: Криштиану Роналдудың алдағы үйлену тойы туралы не белгілі

Британиялық танымал The Sun газеті әйгілі футболшы Криштиану Роналду мен модель Джорджина Родригестің алдағы үйлену тойына қатысты жаңа мәліметтерді жариялады, деп хабарлайды KAZ.NUR.KZ.

Дереккөздің мәліметінше, той сенбі, 8 тамыз күні португалиялық футболшының туған жері – Мадейра аралындағы ең ірі қала Фуншалда өтеді.

Салтанатты рәсім жергілікті шіркеуде болады. Ал тойдың бейресми бөлімі үшін жақын маңдағы зәулім бес жұлдызды қонақүй алдын ала брондалған.

Дереккөздің ақпаратына сәйкес, өзге қонақтарға 7 және 8 тамыз күндері қонақүйдің екі қабаты мен бірнеше бар аймағы жабық болатыны ескертілген.

Бұған дейін Джорджина Родригес тойды дүркіретіп емес, тек жақын адамдардың ортасында шағын қылып өткізуді жоспарлап отырғандарын айтқан болатын.

Тегі испаниялық әрі аргентиналық модель Роналдумен 2016 жылы өзі кеңесші болып жұмыс істеген Gucci дүкенінде танысқан еді. Көп ұзамай олардың қарым-қатынасы жұртқа белгілі болды.

Португалиялық футболшы былтыр тамызда сүйіктісіне ұсыныс жасады. Олар бес бала тәрбиелеп отыр.

Мәтіннен қате тапсаңыз,бізге жазыңыз