Головкин-Шеремета жекпе-жегінің басталу уақыты белгілі болды

DAZN стримингтік қызметі басты жекпе-жегінде қазақстандық Геннадий Головкин мен поляк Камил Шеремета кездесетін бокс кешінің күні мен уақытын жариялады.

Іс-шара АҚШ, Флорида штаты Голливудтағы Seminole Hard Rock Hotel & Casino аренасында өтеді деп хабарлайды Sports.kz DAZN-ге сілтеме жасап. Шоудың басталуы 18 желтоқсанда жергілікті уақыт бойынша 17:00-ге жоспарланған, ал кештің басты жекпе-жегі шамамен 20:00-де болуы керек.

Осылайша, Нұр-Cұлтан (және Алматы) уақыты бойынша андеркард шайқасы 19 желтоқсан күні сағат 04:00 – де, ал Головкин мен Шеремет арасындағы жекпе-жек шамамен 07:00-де басталады.

Айта кетейік, нақты басталу уақыты андеркард шайқастарының ұзақтығына байланысты реттеуге болады.

Айта кетейік, DAZN қазақстандық Геннадий Головкин мен поляк Камил Шереметаның арасындағы жекпе-жектің ресми постерін ұсынды.

Ал Геннадий Головкин алдағы жекпе-жекке қалай дайындалып жатқаны туралы желіде видео пайда болған еді.

Отандасымыздың жағажайда жаттығу жасаған сәтінен видеоны Matchroom Boxing промоутерлік компаниясының Twitter парақшасы жария етті.

Сонымен бірге, DAZN стримингтік қызметі қазақстандықпен келісімшартты қайта қарауды жоспарлап отырғаны туралы ақпарат пайда болды. Кейбір мәліметтер бойынша, DAZN Головкиннің жекпе-жек үшін төлемін төмендетуді жоспарлап отыр.

Спорт бақылаушылары бұл шешім негізсіз емес деген пікірде. Сарапшылардың пікірінше, қазақстандық боксшыға айтарлықтай танымал емес қарсыластарымен жекпе-жек үшін 15 миллион доллар төлеу - "ессіздік".

Мәтіннен қате тапсаңыз, бізге жазыңыз