jitsu gif branding logo appbranding logo app

    Қазақстанның Кәсіпқой бокс федерациясына жаңа басшы сайланды

    Қайрат Реимов
    Қайрат Реимов. Фото: ҚКБК баспасөз қызметі

    Бұл туралы бүгін Алматыда өткен федерацияның атқарушы комитетінің ашық отырысында белгілі болды деп хабарлайды KAZ.NUR.KZ.

    Қазақстан Кәсіпқой бокс федерациясы президентінің міндетін атқарушы болып кәсіпкер Қайрат Реимов сайланды.

    Оның кандидатурасын федерация мүшелері бір ауыздан қолдады. Соңғы алты жыл бойы ұйымды басқарған медиаменеджер Ерлан Бекхожин бұл қызметтен өз еркімен бас тартқан.  

    «Қазақстан Кәсіпқой бокс федерациясының президенті міндетін атқарушы лауазымын  Қайрат Реимовтің кандидатурасын Федерацияның құрметті президенті Серік Қонақбаев ұсынды. Атқарушы комитеттің өзге мүшелері жаңа басшының кандитатурасын қолдап, дауыс берді. Ұйымның жаңа жетекшісі Қазақстан Кәсіпқой бокс федерациясының алдағы тұжырымдамасын ұсынды», - делінген хабарламада. 

    Алдағы уақытта Федерацияның атқарушы комитетінің құрамын кеңейту, атқарушы комитет жұмысын жандандыру, кәсіпқой бокс шеберлерінің құқықтық және әлеуметтік мәртебесін қамтамасыз ету, сондай-ақ олардың денсаулығы мен күтіміне назар аудару, оларды Қазақстан аумағында да шет мемлекеттерде де толыққанды қолдау жүзеге асырылады. 

    Қазақстандағы кәсіпқой бокс шеберлерінің турнирін қайтадан өткізіп, кәсіпқойларды іріктеу жоспарда бар. 

    "Қазақстан аумағында кәсіпқой бокс тақырыбына түрлі форумдар, семинарлар мен шеберлік сыныптарын ұйымдастыру және Қырғызстан, Түркіменстан, Тәжікстан, Ауғанстан және Иран елдерімен бірігіп Орталық Азия елдерінің кәсіпқой бокс федерациясын құруға бастамасы көтеріледі", - делінген Қазақстан Кәсіпқой бокс федерациясы таратқан хабарламада. 

    Қазақстанның Кәсіпқой бокс федерациясына жаңа басшы сайланды

    Барлығын бірінші болып біліп отырыңыз

    Бізге жазылып, Қазақстанның өзекті жаңалықтарынан, қызықты суреттер, видеолар мен эксклюзивтерден хабардар болыңыз.

    Instagram
    Сақтаулылар
    Мұнда әзірше бос
    Жарияланым парақшасында «
    » батырмасын қолданып, оны сақтаулылар тізіміне қосыңыз.