IBF және IBO тұжырымдары бойынша орта салмақтағы әлем чемпионы Геннадий Головкин WBA Super титулының иегері Риота Муратамен өтуі тиіс жекпе-жектің кейінге қалуына байланысты алғаш рет пікір білдірді, деп хабарлайды KAZ.NUR.KZ.
Бұл туралы отандасымыз Instagram әлеуметтік желісіндегі парақшасында жазды.
"Жапониядағы жекпе-жектің кейінге қалдырылғанына қатты қынжылып отырмын. Алайда адамдардың денсаулығы мен қауіпсіздігі әрқашан бірінші орында болуы керек. Мен шаршы алаңға мүмкіндігінше тезірек оралатын уақытты тағатсыздана күтетін боламын. Өздеріңізді күтіңіздер", - деді Генадий Головкин.
Айта кетейік, осыған дейін ESPN инсайдері Майк Коппинджер орта салмақтағы әлем чемпиондары Геннадий Головкин мен Риота Мурата арасындағы жекпе-жектің кейінге шегерілгенін хабарлаған еді.
Оның мәліметінше, бұған коронавирустың жаңа "омикрон" штамының таралуына байланысты Жапония шекарасының жабылуы себеп болып отыр.
Осылайша, WBA Super, IBF және IBO титулдары сарапқа салынатын жекпе-жек кейінге қалған.
Мақаланың түпнұсқасы: https://kaz.nur.kz/sport/boxing/1945131-golovkin-men-murata-arasyndagy-zekpe-zek-keiinge-qaldy-otandasymyz-pikir-bildirdi/
