WBO тұжырымы бойынша "уақытша әлем чемпионы" белбеуіне үміткер қазақстандық боксшы Жәнібек Әлімханұлының бапкері Джеймс "Бадди" Макгирт өзінің Instagram парақшасында жаттығу сәтінен видео жариялады.
Желіде жарияланған видеодан отандасымыз Жәнібек Әлімханұлының алдағы жекпе-жекке қызу дайындалып жатқанын көруге болады.
Айта кетейік, Жәнібек Әлімханұлы мен ұлыбританиялық Дэнни Дигнум арасындағы кездесу 21 мамыр күні өтеді деп жоспарлануда. Дегенмен жекпе-жектің өтетін орны әзірге белгісіз.
Боксшылар WBO тұжырымы бойынша орта салмақтағы "уақытша" әлем чемпионы атағын сарапқа салады.
Жәнібек Әлімханұлы соңғы рет былтыр қараша айында француз боксшысы Хассан Н’Дам Н’Жикаммен кездесіп, оны сегізінші раундта нокаутқа түсірген болатын. Жәнібек бүгінге дейін 11 жекпе-жек өткізіп, әлі жеңіліп көрмеген.
Ал Дэнни Дигнумге келсек, ол кәсіпқой бокстағы мансабында 15 жекпе-жек өткізіп, 14 рет жеңісіке жеткен, бір кездесуі тең нәтижемен аяқталған. Соңғы рет шаршы алаңға биыл ақпан айында шығып, отандасы Грант Деннисті техникалық нокаутпен жеңген.
Мақаланың түпнұсқасы: https://kaz.nur.kz/sport/boxing/1964796-zanibek-alimxanulynyn-bapkeri-bokssynyn-mamyrdagy-zekpe-zekke-qalai-daiyndalyp-zatqanyn-korsetti-video/
Егер сіздің лақапатыңыз ережелердің талаптарына сәйкес келмесе, оны 4 қазанға дейін өзгертіңіз. Әйтпесе, ол автоматты түрде ауыстырылады.