Нигериялық боксшы спаррингтен соң көз жұмды

Нигериялық боксшы Мирекл Амаезе спаррингтен соң көз жұмды, деп жазады Prosports.kz.

Дереккөз мәліметінше, боксшы жекпе-жектен соң есінен танып қалған. Амаезеге медициналық көмек көрсетіліп, артынша ол ауруханаға жеткізілген.

Дегенмен дәрігерлер оның өмірін сақтап қала алмаған.

18 жастағы нигериялық жартылай ауыр салмақтың болашақ жұлдыздарының бірі саналатын. Кәсіби бокста Амаезе екі кездесу өткізіп, екеуінде де жеңіске жеткен.