Дүниежүзілік бокс кеңесі (WBC) соңғы конрвенциясында екінші орта салмақтағы қазақстандық былғары қолғап шебері Али Ахмедов пен франциялық Кристиан Мбилли арасындағы іріктеу кездесуге рұқсат берді, деп жазады Sports.kz.
Қос боксшы арағындағы жекпе-жегі 2023 жылдың көктемінде өтеді деп жоспарланып отыр.
Бұл туралы ақпарат Twitter әлеуметтік желісіндегі BoxingNewsQC парақшасында жаряиланды.
"Ол (Мбилли) наурыз айында Али Ахмедовпен WBC жұдырықтасады. Осылайша, Ахмедов-Мбилли жекпе-жегінің жеңімпазы қазіргі уақыттағы мексикалық Сауль Альвареске тиесілі WBC супер орта салмақтағы титулына ресми үміткер атанбақ", - делінген хабарламада.
Еске сала кетейік, бұған дейін Геннадий Головкин мен Сауль Альварес триологиясының андеркадында Әли Ахмедовтың өнер көрсеткенін жазған едік.
Он раундқа жалғасқан айқаста отандасымыз америкалық қарсыласы Габриэль Росадодан басым түсті.
Айта кетейік, аталған кездесуде IBF (Солтүстік Америка), WBC Silver титулдары сарапқа салынған болатын.
Мақаланың түпнұсқасы: https://kaz.nur.kz/sport/boxing/2003215-ali-axmedovtin-kelesi-zekpe-zegine-qatysty-tyn-aqparat-syqty/
