"Странджа" турнирі: Төртінші қазақстандық боксшы жарыс жолынан шығып қалды

Болгария астанасы Софияда бокстан кіші әлем чемпионаты саналатын "Странджа" турнирі өтіп жатыр. Қазіргі таңда төрт қазақстандық боксшы жарысты аяқтады, деп жазады KAZ.NUR.KZ.

Бүгін шаршы алаңға шыққан Кенже Мұратұлы ширек финалға шыға алмады. 51 келіге дейінгі салмақта үндістандық Бишвамитр Чонгтхаммен кездескен ол 0:5 есебімен жол берді.

Осылайша, ол Ертуған Зейнуллинов, Бекзат Алдамжаров және Ерасыл Таңқайдың қатарына қосылып, жарыстан жүлдесіз қалды.

Ал 57 келідегі Оразбек Асылқұлов ширек финалға жолдама алды. Ол бразилиялық Луис Олейвейраны ұтты.

Еске сала кетейік, бүгін Қамшыбек Қоңқабаев пен Бекзад Нұрдәулетов те рингке көтеріледі.

Мәтіннен қате тапсаңыз, бізге жазыңыз