Әлем чемпионатында жүлдегер атанған отандық боксшының келесі жекпе-жегі АҚШ-та өтеді

Қазақстандық боксшы Әбілхан Аманқұлдың кәсіпқой рингтегі үшінші жекпе-жегі 15 сәуірде өтеді. Оның қарсыласы да белгілі болды, деп хабарлайды KAZ.NUR.KZ тілшісі Suleimen Promotions компаниясының баспасөз қызметіне сілтеме жасап.

"Ресми: Suleimen Promotions боксшысы Әбілхан Аманқұл 15 сәуір күні АҚШ-тың Калифорния штаты, Помона қаласында сегіз раундтық жекпе-жек өткізеді.

Оның қарсыласы мексикалық Даниэль Эчеверриа (21-11, 18 КО) болмақ", - делінген хабарламада.

Айта кетейік, Әбілхан Аманқұл 1997 жылы 14 шілдеде Жамбыл облысында өмірге келген. Ол - әлем чемпионатының күміс жүлдегері. Сонымен қатар боксшы Азия біріншілігінде үшінші орыннан көрінген.

Әбілхан кәсіпқой бокстағы екінші кездесуін Мексика астанасы Мехикода өткізіп, жергілікті Йеассон Сервантесті нокаутқа түсірді.

Мәтіннен қате тапсаңыз, бізге жазыңыз