Бокстан Ташкентте өтіп жатқан әлем чемпионатында Санжар Тәшкенбай алғашқы жекпе-жегін өткізді, деп хабарлайды KAZ.NUR.KZ тілшісі.
48 келіге дейінгі салмақта ел намысын қорғап жатқан Санжар Тәшкенбай 1/8 финалда Өзбекстан өкілі, жастар арасындағы Азия біріншілігінің жүлдегері, "кіші әлем чемпионатының" жеңімпазы Шодиержон Меликузиевпен жұдырықтасты.
Тартысты өткен жекпе-жекте отандық боксшы қарсыласын нокдаунға жіберіп, төрешілердің шешімімен жеңіске жетті. Есеп 4:1.
Осылайша, Санжар Тәшкенбай Ташкентте өтіп жатқан әлем чемпионатының келесі кезеңіне жолдама алды.
Айта кетейік, Санжар Тәшкенбай - Азия біріншілігінің және жастар арасындағы әлем чемпионатының жеңімпазы.
Мақаланың түпнұсқасы: https://kaz.nur.kz/sport/boxing/2019802-alem-cempionaty-qazaq-balasy-ozbek-bokssysyn-nokdaunga-ziberip-zeniske-zetti/
