Қазақстандық боксшы АҚШ-та жеңіліп көрмеген cпортшымен жұдырықтасады

Кәсіпқой боксшы Айдын Елжановтың Америка құрама штаттарындағы жекпе-жегінің датасы белгілі болды. Бұл туралы Sports.kz хабарлайды.

Отандық былғары қолғап шебері 22 шілдеде АҚШ-тың Лонг-Бич қаласындағы (Калифорния штаты) бокс кешінде жекпе-жек өткізуі керек болған. Алайда белгісіз себептермен кездесу кейінге қалдырылды.

BoxRec.com ұсынған ақпаратқа сәйкес, Айдын Елжановтың ендігі айқасы 26 тамыз күні Коммерстке өтпек.

Қазақстандық боксшының қарсыласы - мансабында жеңілістің ащы дәмін татпаған АҚШ өкілі Энди Бельтран (6-0, 3 КО).

Қос спортшы арасындағы жекпе-жек алты раундтан тұрады және ең жеңіл салмақта өтеді.

Мәтіннен қате тапсаңыз, бізге жазыңыз