Әбілхан Аманқұл әйгілі Сауль Альвареспен бірге түскен фотосын жариялады
Жарияланған күні:
Қазақ боксшысы Әбілхан Аманқұл абсолютті әлем чемпионы Сауль Альвареспен бірге түскен суретін жариялады. Бұл туралы спортшының желідегі парақшасында хабарланды.
"Арманыңа сене біл және оған жету үшін аянбай еңбек ет. Спорттың мәні осында", — деп жазды Аманқұл Instagram парақшасында.
Әбілхан "Канелоның" мамыр айындағы жекпе-жегінде андеркартта өнер көрсеткен.
Аманқұл әуесқой бокста әлем чемпионатының (2017) күміс жүлдегері, Азия ойындарының күміс жүлдегері (2018), сондай-ақ Азия чемпионатының (2017) қола жүлдегері атанған.
Токио Олимпиадасында ширек финалға дейін жетіп, бразилиялық боксшыға есе жіберген еді.
Бүгінде ол Сауль Альварестің залында Эдди Рейносоның жетекшілігімен жаттығып жүр.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/boxing/2035953-abilxan-amanqul-aigili-saul-alvarespen-birge-tusken-zariyalady/