Жазғы Азия ойындарында бокстан жеребе тарту рәсімі өтіп, отандық былғары қолғап шеберлерінің қарсыластары анықталды. Бұл туралы KAZ.NUR.KZ хабарлайды.
80 келіге дейінгі салмақтағы әлем чемпионы Нұрбек Оралбай әлем чемпионатының финалында жұдырықтасқан қытайлық қандасымыз Тоқтарбек Таңатқанмен қайта кездеседі.
Екі спортшы жарысты 1/8 айналымнан бастайды.
Әдетте, әлем чемпионатында жеңіске жетіп, жүлдегер атанған спортшылар жартылай финалға дейін бір-бірімен кездеспейді.
Бірақ Халықаралық Олимпиада комитеті Ташкентте өткен соңғы әлем чемпионатын мойындамағандықтан, боксшылардың рейтингі ескерілген жоқ.
Еске сала кетейік, Азия ойындарында боксшылар Олимпиада жолдамасын да сарапқа салады. Финалға шыққан екі боксшы Париж ойындарына тікелей лицензия алмақ.
Мақаланың түпнұсқасы: https://kaz.nur.kz/sport/boxing/2037781-aziya-oiyndary-nurbek-oralbai-qytai-namysyn-qorgaityn-qazaq-bokssysymen-qaitadan-kezdesedi/
