Мейірім Нұрсұлтанов WBO нұсқасы бойынша "Жылдың үздік боксшысы" атанды

Қазақстандық кәсіпқой боксшы Мейірім Нұрсұлтанов WBO нұсқасы бойынша "Жылдың үздік боксшысы" атағын жеңіп алды. Марапаттау рәсімі Доминикан Республикасында өткен конференцияда болды, деп хабарлайды KAZ.NUR.KZ.

Бұл қуанышты жаңалығымен спортшы өзінің Instagram парақшасында бөлісті.

Мейірім Нұрсұлтанов (19-0, 11 КО) алдағы жекпе-жегіне қарқынды түрде дайындалып жатыр.

Отандасымыз оқу-жаттығу жиындарын Ақтау қаласында өткізуде. Оның келесі қарсыласы екі аптадан кейін ғана белгілі болады. Боксшы IBF нұсқасы бойынша үздік спортшылардың бірімен жұдырықтасуға ниет білдірді.

Нұрсұлтанов соңғы жекпе-жегін сәуір айында өткізген. Оңтүстік Корея еліндегі кездесуінде жапониялық Кадзуто Такесакоға (15-0-1, 14 КО) қарсы жұдырықтасып, нокаутпен жеңді.

Мәтіннен қате тапсаңыз, бізге жазыңыз