"Қасқырдай мінезін көрсетті": белгілі бапкер Қоңқабаевтың Жалоловқа қарсы жекпе-жегіне жоғары баға берді
Опубликовано:
Белгілі жаттықтырушы, бокстан Қазақстан құрамасының бұрынғы мүшесі Мұхит Амантаев Қамшыбек Қоңқабаевтың Азия ойындарындағы жекпе-жегіне пікір білдірді. Бұл туралы Жетінші арнаға сілтеме жасаған KAZ.NUR.KZ хабарлайды.
"Жігіттер үшін жүрек ауыратын жағдай. Қаншама еңбек? Қаншама тер төкті балалар. Біздің жігіттердің қарсыласы өзбек немесе қытай болған жоқ. Біздің жігіттер төрешілермен күресті.
Біздің спортшылар барын салды. Қамшыбек бауырымызға риза болдым. Осы жолы Бахадүр Жалоловпен керемет жұдырықтасты. Қасқырдай қайсар мінез көрсетті.
Енді бір раунд бергенде, айқын басымдықпен ұрып алуға мүмкіндік болатын еді", - дейді Мұхит Амантаев.
Айта кетелік, жазғы Азия ойындарында бокстан Қазақстан ерлер командасы үш медаль жеңіп алды.
Қамшыбек Қоңқабаев күміс жүлдегер атанса, Асланбек Шымбергенов пен Сағындық Тоғамбай қола медаль иеленді.
- "Спорттың арқасында болашақ жарымды кездестірдім": Азиада жеңімпазы Тоқаевты тойына шақырды
- Азиадада топ жарған каратэшілер елге оралды (фото)
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/boxing/2041132-qasqyrdai-minezin-korsetti-belgili-bapker-qonqabaevtyn-zalolovqa-qarsy-zekpe-zegine-zogary-baga-berdi/