Мейірім Нұрсұлтановтың келесі қарсыласы белгілі болды

Қазақстандық боксшы Мейірім Нұрсұлтановтың (19-0, 11К) Ташкент қаласында өтетін жекпе-жегінде кіммен жұдырықтасқаны белгілі болды. Отандасымыз неміс боксшысы Винцент Файгенбутцке (39-3, 32К) қарсы шығады, деп жазады KAZ.NUR.KZ "Adal Promotions" Instagram парақшасына сілтеме жасап.

Винсент Файгенбутцке әлемдік бокс рейтингтерінде жоғары сатыда тұр. Боксшы WBC - 11, IBF - 12, WBO - 13, Boxrec рейтингінде 24 орында тұр.

Аталмыш кездесу орта салмақта WBC Middleweight Elimination деңгейінде өтеді. Яғни жекпе-жек жеңімпазы WBC чемпионына міндетті қарсылас болады. Кездесу 12 раундқа жоспарланып отыр.

Айта кетейік, бұған дейін Мейірім Нұрсұлтановтың WBC конвенциясы аясында Ташкент қаласында "Хума Аренада" болатын бокс кешінде жұдырықтасатынын хабарлаған едік.

Мәтіннен қате тапсаңыз, бізге жазыңыз