VI жазғы Спартакиада аяқталды: Астана қаласының боксшылары жалпы есепте топ жарды

Астана қаласында өткен бокстан VI жазғы спартакиада аяқталды, деп хабарлайды KAZ.NUR.KZ Қазақстан бокс федерациясының Instagram-дағы ресми парақшасына сілтеме жасап.

13-19 қараша аралығында Астанада өткен VI жазғы Спартакиада мәресіне жетті. Төрт жылда бір ұйымдастырылатын дүбірлі додада 13 салмақ бойынша 176 спортшы жүлдеге таласты.

Турнир қорытындысы бойынша жарыстың ең үздік боксшысы — Сәкен Бибосынов (Түркістан облысы). Ал турнирдің жаңа есімі болып Темірлан Мұқатаев (Астана қаласы) танылды.

Жалпы есепте ең көп жүлде жеңіп алған өңірлер:

• Астана қаласы — 3 алтын, 2 күміс;
• Жамбыл облысы — 3 алтын;
• Түркістан облысы — 2 алтын, 2 күміс, 1 қола;
• Ақмола облысы — 2 алтын, 1 күміс, 1 қола;
• Алматы қаласы — 1 алтын, 4 қола;
• Қызылорда облысы — 1 алтын, 2 қола;
• Шымкент қаласы — 1 алтын, 1 қола;
• Павлодар облысы — 2 күміс, 3 қола;
• Атырау облысы — 2 күміс;
• Абай облысы — 1 күміс, 3 қола;
• Алматы облысы — 1 күміс, 3 қола;
• БҚО — 1 күміс, 1 қола;
• Манғыстау облысы — 1 күміс, 1 қола;
• Ұлытау облысы — 2 қола;
• ШҚО — 1 қола;
• Қарағанды облысы — 1 қола;
• Жетісу облысы — 1 қола;
• Қостанай облысы — 1 қола.

Айта кетейік, турнир қорытындысы бойынша әр салмақ дәрежесінде еліміздің үздік боксшылары анықталып, бокстан Қазақстан ұлттық құрамасы жаңадан жасақталады.