Бүкіләлемдік бокс ұйымы (WBO) үздік боксшылардың жаңартылған рейтингін жариялады. Тізімде қазақстандық боксшылардан Роман, Фресс, Мейірім Нұрсұлтанов және Геннадий Головкин бар. Бұл туралы KAZ.NUR.KZ WBO ұйымының ресми сайтына сілтеме жасап хабарлайды.
Әлем чемпионы атағы қазақстандық Жәнібек Әлімханұлына тиесілі орта салмақта өзгерістер бар.
Рейтингтің бірінші орынында әдеттегідей британдық Крис Юбанк тұр. Қазақстандық боксшы Мейірім Нұрсұлтанов екінші орынға жайғасса, тағы бір британдық боксшы Дензел Бентли үшінші орынға тұрақтады. Бұрын үшінші тұрған Феликс Кэш жетінші орынға төмендеді.
Төртінші орында тұрған Геннадий Головкин алтыншы орынға сырғыды. Ал оның орнына ұлыбританиялық боксшы Хамза Шираз жайғасты.
Сондай-ақ, бірінші ауыр салмақ рейтингінде Роман Фресс 10-орында тұр.
Еске салайық, бір жылда бірде-бір жекпе-жек өткізбеген Головкинді WBO-дан басқа ұйымдар рейтингтен шығарып тастады. GGG соңғы рет 2022 жылы 17 қыркүйекте Сауль "Канело" Альвареспен жұдырықтасып, төрешілердің ортақ шешімімен жеңіліс тапқан болатын.
Мақаланың түпнұсқасы: https://kaz.nur.kz/sport/boxing/2049011-golovkin-eki-satyga-tomendedi-wbo-uzdik-bokssylardyn-reitingin-zanartty/
