"Бұл соңы емес": Уайлдер жеңілісінен кейін үндеу жасады

Аса ауыр салмақтағы бұрынғы әлем чемпионы, америкалық боксшы Деонтей Уайлдер жаңа зеландиялық Джозеф Паркерден жеңіліп қалғаннан кейін үндеу жасады. Боксшы жекпе-жек барысында өзінің жоспарын орындай алмағанын мойындады. Бұл туралы KAZ.NUR.KZ тілшісі хабарлайды.

Уайлдер өзінің Instagram-дағы ресми парақшасында видео үндеу жариялады. Боксшының айтуынша, бәрі жоспар бойынша болмаған.

"Біз жеңілдік. Егер шынына келсек, мен не болғанын білмеймін. Тайминг жағынан мәселелер болды, мен соққы жасамадым, жоспарлағанымдай қолымды төмен ұстамадым. Кейде мұндай жағдайлар болып тұрады. Біз тағы бір жекпе-жектен, тағы бір сәттен өту үшін өмір сүреміз.

Мен бұрынғыдай бақыттымын, өмірім әлі де күлкі мен қуанышқа толы. Үміттеріңізді ақтамаған болсам, кешіріңіздер. Біз ораламыз. Бұл соңы емес", – деді Уайлдер.

Посмотреть эту публикацию в Instagram

Публикация от Instagram

Еске салайық, Уайлдер қарсыласы Джозеф Паркерден төрешілердің бір ауыздан шығарған шешімімен жеңілді. Жекпе-жек Эр-Риядтағы (Сауд Арабиясы) бокс кеші аясында өтті.

Мәтіннен қате тапсаңыз, бізге жазыңыз