Астанада боксшы Бақтияр Артаевтың құрметіне халықаралық турнир өтеді

Елордада бокстан Олимпиада чемпионы, Вэл Баркер кубогының иегері Бақтияр Артаев атындағы халықаралық турнир өтпек. Бұл туралы KAZ.NUR.KZ "24 KZ" телеарнасының Youtube-тағы ресми арнасына сілтеме жасап хабарлайды.

Биыл Бақтияр Артаевтың құрметіне арналған жасөспірімдер арасындағы бокс турнирі ұйымдастырылады. Ол ресми жарыстар күнтізбесіне енді. Аталмыш бәсекеге Қазақстанның түкпір-түкпірінен және Өзбекстан, Қырғызстан, Әзербайжан сияқты көрші мемлекеттерден 300-ге жуық қатысушы жиналады деп жоспарланып отыр.

Бокс турнирі 2 жас деңгейі бойынша өтеді. Жалпы 14 салмақта жеңімпаздар анықталады. Жүлдеге ие болған спортшыларға қаржылай сыйақы табысталмақ.

Бақтияр Артаев – 2004 жылы Афинада өткен жазғы Олимпиада ойындарының алтын медаль иегері. Сондай-ақ әлем чемпионаттары мен Азия біріншіліктерінде бірнеше рет жеңіс тұғырынан көрінді.

Мәтіннен қате тапсаңыз, бізге жазыңыз