Британиялық кәсіпқой боксшы Энтони Джошуа мен UFC-дің бұрынғы чемпионы Фрэнсис Нганну жекпе-жек алдындағы көз түйістіру рәсімін өткізді. Бұл туралы KAZ.NUR.KZ Queensberry промоушенінің Twitter-дегі ресми парақшасына сілтеме жасап хабарлайды.
Жұдырықтасу 8 наурыз күні Сауд Арабияда өтеді. Аса ауыр салмақ дәрежесіндегі WBA, WBO, IBF және IBO бұрынғы чемпионы Энтони Джошуа камерундық аралас жекпе-жек шебері, UFC-дің бұрынғы чемпионы Нганнумен шаршы алаңда кездеседі.
Джошуа соңғы жұдырықтасуын 2023 жылдың 24 желтоқсан күні Сауд Арабия астанасы Эр-Рияд қаласында өткізді. Жекпе-жек швед боксшысы Отто Валлинаға қарсы өтіп, Джошуаның айқын жеңісімен аяқталды.
Ал Нганнудың соңғы кездесуі ұлыбританиялық танымал боксшысы Тайсон Фьюримен болып, жекпе-жекте жеңіліс тапты.
Мақаланың түпнұсқасы: https://kaz.nur.kz/sport/boxing/2055756-bokssy-entoni-dzosua-men-ufc-din-buryngy-cempiony-ngannu-koz-tuiistiru-rasimin-otkizdi/
