![Жәнібек Әлімханұлы Жәнібек Әлімханұлы](https://cdn.nur.kz/images/1120x630/778978d4bf0d84a5.jpeg)
Орта салмақта WBC тұжырымы бойынша әлем чемпионы, доминикандық боксшы Карлос Адамес жақында ауруханаға түсіп қалып, жекпе-жегі өтпей қалған Жәнібек Әлімханұлы туралы мәлімдеме жасады. Бұл туралы KAZ.NUR.KZ тілшісі хабарлайды.
"Ол тез арада сауығып кетеді деп үміттенемін. Жәнібек жазылған соң, екеуіміз қарашада Джервонта Дэвис пен Василий Ломаченко жұдырықтасатын турнирде жекпе-жек өткізгенімізді қалаймын. Алдымызда 3 титул тұрады", - деп жазды Карлос Адамес X желісіндегі ресми парақшасында.
Еске салайық, Жәнібек Әлімханұлы 14 шілдеде жаңа зеландиялық боксшы Андрей Михайловичпен жұдырықтсып, IBF және WBO чемпиондық белбеулерін қорғауы керек болған. Бірақ қазақстандық боксшы салмақ қуу кезінде есінен танып, ауруханаға түсіп қалды. Осылайша, жекпе-жек өтпейтін болды.
Әлімханұлы соңғы рет 2023 жылы қазанда шаршы алаңға шыққан еді. Ол Германия өкілі Винченцо Гуальтиериді алтыншы раундта нокаутпен жеңген болатын. Қазақстандық боксшының кәсіпқой рингтегі рекорды – 15-0.
Мақаланың түпнұсқасы: https://kaz.nur.kz/sport/boxing/2134107-zhanibek-alimhanulynyng-salmagyndagy-chempion-qazaqstandyq-boksshy-turaly-malimdeme-zhasady/